Kuyku Mabaygaw Kaziw Niyaypa Yoelpay Ya
221Kalanu Yesu lak wara ya matha ngoedhagidh aymoedhin thanamulpa. Nuy kedha, 2“Daparaw Basalaya matha kedha adhapudhay kuykulnga nuydh koey ay ayman nungu garkaz kazipa niyaypa yoelpaypa. 3Nuydh nungu zagethaw mabaygal woeyamoeydhin mura yadu thurayzi mabaygal garwoeydhamoeydhin, kasa kay kedha thana mangayginga, thana yadu thurayzi mabaygal ubigigal.
4“Kalanu nuydh wara zagethaw mabaygal wayamoeydhin thanamulpa kedha yadu poelgaypa, ‘Ngitha sobaginga ayawal, mura zapul buthapoethayzimayl, mura setha bulokal a koey buzaral kazi bulokal thana pugamoeyzimayl! 5-6Lawnga, thana mura yadu thurayzi mabaygal kurusipagayginga. Thana matha thanamun geth zagethoepa nagemir, wara mabayg apaw lagoepa, wara mabayg nungu sawalagoepa, a dhuray thana wati danalpoethay aymoeydhin nungu zagethaw mabaygoepa.
7ERROR“Nungu kuyku mabaygaw thabukir mina koeyza, nuydh nungu koewbu mabaygal wayamoeydhin thanamulpa mathamaypa, setha ngaya nanga nubepa koerngayg asimoeydhin. Koewbuwaw mabaygal umamathamoeydhin thana a thanamun goegath muypu nathadhin.
8“Kalanu nuydh thuremoeydhin nungu zagethaw mabaygal, nuy kedha thanamulpa, ‘Ngaw niyaypa yoelpay ay mura buth poethayzinga, kasa kay kedha yadu thurayzi mabaygal matha mangayginga. Thana matha ngoedhagidh lawnga nubi koey aypa gasamaypa. 9Ngitha ladhu mura koey yabugudiya wara mabaygoepa lumaypa, thanamulpa ngapa thuraypa.’ 10Thana nungu zagethaw mabaygal ladhudhin mura yabugudiya, mabaygoepa lumaypa. Thana mabaygal ngapa yoelpamoeydhin koey aypa, kapu mabaygal a wati mabaygal mura kalmel aypa purthaypa. Kurusipa lag mura gudiya yoewdhaydhin, mabayg waza koeygarsar.
11“Mura sethabi mabaygal ubamoeydhin kapu koey rugal, mi rugal nanga nuy kuykulnga madhin thanamulpa. Matha urapun mabayg nanga kedha rugal ubamayginga. Nuy kuykulnga nanga ngapa nungu mangayzi mabaygoepa imaypa, nuydh iman kedha, urapun mabayg nuy niyaypa yoelpay rugal ubamayginga. 12Nuy kuykulnga kedha nubepa, senawbi mabaygoepa, ‘Igalayg! Thana midh paru ngin wanan ngibepa muya uthaypa, ngi nanga kayn rugagig?’ Kasa kay kedha nuy mabayg ya mulayginga.
13“Kalanu nuy Kuykulnga kedha nungu zagethaw mabaygoepa, ‘Ngitha nuyn gasamaw, nungu ngar a geth kunumaw a nuyn adhathayaw koey inurpa.’ Nungu may a kikir bangal koeyza, nungu bangal dhangal tikitik nudhamane.ERROR’” 14Yesu lak mulaydhin kedha, “Koeygarsar mabaygal thana Awgadhaw yadu palgayzi mabaygal nungu basalayoepa, kasa kay kedha nuydh kasa moenari mabaygan gasamoeypa.”
Mabaygal Modhabiya Maypa Romaniw Kuyku Mabaygoepa Lawnga Midh
15Thana parasayalgal kalanu ladhudhin, thanamun buwaylthoeyay kedha, thana bangal karum palane Yesun. Thana kedha, “Nungu kuniya ya nanga ngoelkay ya, ngalpa bangal nuyn gasamoene.” 16Thana nubepa gethawoeyamoeydhin dhuray thanamun puziw mabaygal a dhuray puziw mabaygal Erodhan. (Nuy Erodh kuykulnga.) Thana ngapa Yesulpa kedha mulemidhin, “Ngurpay mabayg, ngoey ngulaygal kedha, ngi mura thonara mina yadu umepa, nginu ngurpay mina matha ngoedhagidh Awgadhaw ubi seysithamaypa mura mabaygoepa, kuyk ngi mabaygoengu akan lawnga; ngidh koey mabaygoepa a kasa mabaygoepa mina matha kedha nginu ngurpay poeybar.”
17Wa, nungu Romaniw kuyku mabaygaw yawoedhayzinga kedha, mabaygan ngaru nubepa bokadhza thoeyaypa. Thana nubepa lak mulaydhin kedha, “Nginu wakay thoemamaynu midh, ngalpan sabinu matha ngoedhagidh ngalpalpa kasa bokadhzapul sakariya thayan Romaniw adhapudhay kuyku mabaygoepa?”
18Nuy Yesu ngulayg thanamun wati buwaylthoeyay midh nanga, thanamun ubi nuyn gasamoene. Nuy kedha thanamulpa, “Ngitha kasa gimiya muk, muynu loka thoeydhaylnga. Ngithamun ubi ngoena kasa karum poelaypa. 19Ngitha kedha bokadhza yakamoey ngayapa, mi bokadhza nanga mabaygaw ngulayg Romaniw kuyku mabaygoepa maypa.” Thana manin nubepa. 20Nuydh thana yapu poeybamoeydhin, “In ngunu paru a nel bokadhzapunu poelayzinga?”
21Thana kedha, “Senaw nungu, Romaniw kuyku mabaygaw.” Nuy kedha muliz, “Wa, setha mi zapul nanga, nungu Romaniw kuyku mabaygaw rugal, ngalpa nubepa mamayipa; a setha mi zapul nanga Awgadhaw rugal, ngalpa nubepa mamayipa.” 22Thana na kedha karngemidhin nanga thana koeyma madhu pamemidhin, kuyk thanamun wati buwaylthoeyay kasa idimayzinga. Thana kasa ladhudhin.
Yoepkaz Mayk Ngunu Ipi Aymidhe Bangal
23Kalanu kay senabi goeyginu thana Sadusayalgal, wara Yoewthaw koey mabaygal, ngapa Yesulpa. Thanamun mina yoepathaman kedha, mabayg nanga um mizin nanga, nuy lak kaday sipa lawnga, nubi gugu ubidh thoeyayzimaynu kuth bangal mangedhe.
24Thana mulemidhin nubepa, “Ngurpay mabayg, Mosen ngurpay kedha, ipilayg mabayg nanga um mizin, nuy kazigig nanga, mina pawa kedha nungu tukuyap ngaru senabi yoepkaz mayk niyaypa yoelpaypa, palamulpa kazimaypa kulay alaypa, nungu buwayngu poethayle. 25Wara thonara nanga seben tukuypal si memayipu. Nuy kuykuyg niyaypa yoelpaydhin kasa kedha nuy kalanu umanga kazigig. Kalanu nungu kuthayg senabi yoepkaz mayk niyaypa yoelpaydhin.
26“Kalanu nuy lak kedha umanga kazigig; a nan yoepkaz mayk nungu kuthaygoepa madhin. Thana mura tukuypal yaynanob um memayidhin, kuykuyg kulay kurusipa kuthayg, a na yoepkaz na thanamun mura ipi. Thana mura umamayl. 27Moeygapa na umanga. 28Nginu ngurpaynu kedha, nubi gugu ubidh thoeyayzi maynu kuth nanga, mura umaw mabaygal lak kaday nithamoene umangu. Na senabi thonara ngunu ipi bangal aymidhe; thana mura nan niyaypa yoelpadhin?”
29Nuy Yesu kuniya mulaydhin thanamulpa, “Ngitha mina koey koerawaygal minar poelayzinga midh a Awgadhaw poerapar midh nanga. 30Uma mabaygal mi thonara nanga lak kaday nithamoene, thana matha kedha angelal daparoenu midh, garkaz a yoepkaz lak niyaypa yoelpaypa lawnga. 31Wara kedha, thana uma mabaygal ngaru lak kaday nithamoene, kuyk Awgadhaw yangukudu kedha, 32‘Ngay ngaru Abraman Awgadh, Isakan Awgadh, Yakubun Awgadh.’ Nuy lawnga kedha, ‘Ngay kulay thonar thanamun Awgadh.’ Nuy kedha, ‘Ngay ngaru thanamun Awgadh.’ Ngay kedha zoenguz ngithamulpa kedha, thana Abrama ngaru igililmayl.” 33Thana mura mabaygal na karngemidhin nungu yangukudu thana koeyma madhu pamemidhin, thana kedha ngoedhal ngurpay kulay koerngayginga.
Awgadhaw Koey Sabi Midh
34Thana parasayalgal nanga karngemidhin kedha Yesun ngurpay kedha bibirilnga a thana sadusayalgal kalanu yagigal, thana parasayalgal garwoeydhamoeydhin Yesulpa. 35Urapun thanamun sabiw ngurpay mabayg nuydh yapupoeybay aymoedhin Yesulpa nubepa nuthay aymoeypa. 36Nuy kedha, “Ngurpay mabayg, mi sabi adhapudhay mura wara sabil ngalpan sabinu?”
37-38Nuy Yesu kedha, “Adhapudhay sabi kedha, ‘Ngitha ngaru maman manin ngithamun Kuykulnga mura ngithamun ngoenakapoengu, a mura ngithamun mina muy igililmayngu, a mura ngithamun wakay thamamayngu.’ 39Wa, sena koey sabi a wara nabiya wagel kedha, ‘Mi mabaygal nanga ngibiya pasiya, ngidh ngaru thana maman mamayin, matha kedha nginu mam ngidh ngibepa ayman.’ 40Sepalbi ukasar ngurpay palay kuyk, a mura wara sabil a nungu Mosen ngurpay, sepalbi ukasar sabingu koesimoeyn.”,
Awgadhaw Woeyayzi Mabayg, Nungu Thathi Nga
41Thana parasayalgal mura garwoeydhamayzimayl nanga, nuy Yesu yapupoeybaydhin thanamulpa kedha, 42“Ngithamun wakay thamamaynu midh, Awgadhaw Woeyayzi Mabayg Keriso, nungu muruyg nga?” Thana kedha, “Nuy Dhawithan Kazi, Dhawithan kulkangu.”
43Yesu kuniya, “Keriso nanga Dhawithan Kazi nanga, nuy Dhawitha midh paru nuyn kedha tharan, ‘Kuykulnga?’ Nuydh kedha koey yangukudu gasamadhin Maygi Maringu, a mulaydhin kedha,
44‘Nuy Kuykulnga mulaydhin ngaw Kuykulmaypa kedha,
ERROR“Ngi ngapa in thanuripa ngaw getha doegamoenu,
kurusipa ngath nginu mura thabukiriw mabaygal mulupa idimpa;
a ngidh ngar tharal thanamuniya gimal.”ERROR’
45Wa, Dhawitha nuydh nuyn Keriso kedha tharadhin, ERROR‘Kuykulnga.ERROR’ Ngitha midh paru ngayapa kedha umamaypa, ERROR‘Keriso nuy Dhawithan Kazi.ERROR’ Dhawitha nanga nuydh nuyn kedha tharan, ERROR‘Kuykulnga?ERROR’ERROR” 46Thana mura yangukudugigal nubepa kuniya maypa, a koezi pawpa thanamun aka mina koeyza nubepa wara yapa mulaypa.